Día do libro: Un día na Idade Media

Este ano quixemos conmemorar o Día do Libro cun traballo interdisciplinar que contextualizase a obra de Martín Codax, aproveitando o acontecemento que supuxo a exposición do Pergamiño Vindel en Vigo ao longo do primeiro semestre deste curso académico.

O Pergamiño Vindel, depositado habitualmente na Morgan Library & Museum de Nova York, saiu por vez primeira desta cidade norteamericana para recalar en Vigo, o espazo que serviu de inspiración ao compositor para os seus versos. Lembremos que este manuscrito contén as sete cantigas de amigo, seis delas con música, do trobador galego Martín Códax.

A estadía en Vigo permitiunos, primeiramente, achegármonos á súa exposición; ademais, impulsounos a afondar nalgúns aspectos que rodearon a composición desta xoia poético-musical da lírica profana medieval:

A sociedade medieval na que se enmarca.

Os principais protagonistas da lírica galego-portuguesa.

A figura do trobador galego Martín Códax.

Os trazos literarios e musicais máis representativos das cantigas.

A tipoloxía das cantigas medievais.

As fontes iconográficas e literarias que testemuñan a presenza dos instrumentos medievais que acompañaban as cantigas.

Outras composicións vocais profanas do Medievo.

Análise comparativa da notación musical do século XIII nas cantigas de Alfonso X o Sabio, Martín Códax e Dom Dinís.

Froito das investigación de todos nós, elaboramos unha exposición dos materiais traballados, que dividimos en catro bloques:

  1. A nobreza:

Queda representada a través de:

  • Vestimenta.

  • Moedas.

  • Bordados.

  • Armaduras.

  • Lecer das mulleres.

  • Morte dos nobres.

  • Castelos.

  • Menús medievais.

  • Bandeiras.

  1. A igrexa, presente a través de:

  • Tipos de igrexas.

  • Pinturas e esculturas.

  • Leis, castigos e penas.

  • Santos e festividades.

  • A Inquisición.

  • A cruz da igrexa.

  • Convivencia de culturas.

  1. Os artesáns e campesinos, representados mediante :

  • Alimentación e prezos.

  • A agricultura.

  • Vestimenta.

  • Enfermidades.

  • Lecer.

  • Rutinas cotiás.

  1. A música , instrumentos e danza na Idade Media,e a literatura, simbolizados por:

  • Os instrumentos medievais na escultura e na literatura: Pórtico da Gloria da Catedral de Santiago de Compostela e miniaturas das cantigas de Alfonso X.

  • A notación musical nas cantigas.

  • Outras composicións vocais profanas no medievo.

  • Reprodución das cantigas.

Podedes ver esta exposición nos corredores do centro e na biblioteca.

Por outro lado, o luns 23 de abril pola tarde viaxamos no tempo á Idade Media para sermos testemuñas e participar dunha serie de actividades, que formaban parte do seu tempo de lecer.

Demos comezo á parte interpretativa cunha danza medieval do século XIII, “A l’entrada del temps clar”, que dá a benvida á primavera. Trátase dunha farándola da Provenza francesa. É unha danza popular, de carácter alegre e animado, que se baila en cadea e collidos das mans. Foi bailada en primeira instancia polo alumnado de 3º ESO, mais, e dado que era moi doada, animamos a participar a todos os presentes.

Despois representaremos un cantar de cego, antigo romance que se interpretaba de aldea en aldea para dar conta de grandes sucesos que se mantiñan no imaxinario colectivo por transmisión oral. Escoitamos o romance que comeza “Voulles a contar señores , que se casou tío Naranxo,…..”. Foi intepretado por dúas compañeiras de 2º ESO B.

Para rematar, un grupo de compañeiros de 1º e 2º ESO interpretaron varias pezas nas gaitas. Este instrumento ten o seu antecedente na civilización exipcia; era moi rudimentaria e contiña dous ósos, un facía de ronco e o outro de punteiro. Ademáis a vexiga do animal facía de fol. Posteriormente, difundiuse e chegou á Galicia por medio do Camiño de Santiago, distribuíndose polo norte da península. Na época romana, coñecíase como tibia. Xa na Idade Media, atopámola representada nunha talla da Catedral de Tui. Esta información acerca da gaita foi aportada por Dani Calvar (1º de bachalerato) nunha presentación deste instrumento feita en Portugal.

Aportamos a continuación unha galería de imaxes do traballo do alumnado:

This slideshow requires JavaScript.

Advertisements

A mansión dos Pampín

A Poza da Moura

1540-6.jpgNeste trimestre estivemos a ler e a falar sobre o cómic de Miguelanxo PradoA mansión dos Pampín, que provocou diversidade de opinións, se ben hai que recoñecer que non xerou un gran entusiasmo entre os membros do noso club de lectura. Certamente, nótase demasiado que se trata dun álbum de encargo, promovido polo Colexio Oficial de Arquitectos de Galicia dentro do proxecto “Terra” para a reflexión sobre cuestións tan expresamente didácticas como o deterioro da paisaxe e os efectos da especulación no acceso á vivenda.

boina1prado.jpg

Non obstante, todos os nosos lectores recoñeceron a calidade do debuxo e o talento plástico do autor, así como a claridade do guión.

Ofrecemos a continuación algunhas valoracións dos lectores e lectoras dos noso club:

Raquel Estévez:

O libro pareceume interesante. Era entretenido e nalgunhas partes era cómico.

Gustoume para ler nun momento, pero non o volvería a ler xa que é moi…

View original post 207 palabras máis

“Tam”: opinión persoal

A Poza da Moura

TAM-RETRANCA

Opinión personal

Tam”

Este manga destacoume en especial por ser o primeiro escrito en galego o que seguro fixo que o traballo de detrás houbera de custar moito esforzo.

Para min foi agradábel ver os deseños dos personaxes, que seica están en estilo chibi. O manga ten moito colorido e detalles moi chulos en relación cos debuxos creados.

Gustoume particularmente o personaxe do can e da mellor amiga de Tam, pois eran moi simpáticos.

Pola contra, se falo da historia que se narra a través deste manga, non me destacou moito e hai algunhas cousas en particular que non me agradaron demasiado. Estas cousas foron as seguintes:

Tam quere adelgazar para ter boa figura para cando vaia a reunión de antigos alumnos, así ela (tamén a amiga) pensa que lle atraerá ao seu amor platónico Kevin.

Ou sexa, en resumo, dá a impresión de que unha muller só pode…

View original post 51 palabras máis

Crónica de la Xuntanza del club mangante (forma cariñosa de llamar al club manga)

A Poza da Moura

Este lunes fuimos a Vigo al instituto Alexandre Bóveda a una xuntanza del club manga, al llegar a allí nos dieron unas pegatinas verdes que eran para votar en el concurso de dibujo. Al llegar a la sala a la que debíamos ir hubo una “presentación” en la que nos explicaron lo que íbamos a hacer a lo largo del día y el horario de cada actividad.

Fueron repartiendo folios a los que querían participar en el concurso de dibujo, Raquel, María, Aldara y yo participamos; Aldara y yo juntas (aunque nuestro dibujo era bastante cutre), Raquel hizo un dibujo muy chulo de Naruto y María dibujó a Bob Esponja.

Al cabo de un rato pasaban preguntando quien quería participar en el concurso de talentos y muy decididas Aldara ,Raquel y yo nos apuntamos para que el mundo conociera nuestro gran talento (respirar y dormir) y lo mejor de todo…

View original post 209 palabras máis

Día da Paz: o caso do Sahara

Para conmemorar o Día Escolar da Non Violencia e a Paz, quixemos este ano adicar unha pequena exposición ao conflito do Sahara, por varios motivos:
– É un caso exemplar de compromiso solidario por parte de moitas persoas e familias galegas, que amosan a súa solidariedade cos saharauis acotío, e moi en especial cos acollementos dos nenos e nenas durante os períodos de verán.
– É un exemplo das inxustizas a que levou o colonialismo, en particular no continente africano, e da responsabilidade do estado español neses territorios.
– É unha testemuña tráxica da situación de moitos pobos que sofren persecución, violencia, aillamento e esquecemento por intereses xeoestratéxicos dos países máis poderosos.
– E, por último, temos unha débeda de memoria histórica, de solidariedade e de compromiso pola restitución dos dereitos do pobo saharaui.

A nosa modesta exposición constou dun cómic sobre o Sahara de Mauro Entrialgo e unha serie de fotografías. Tamén engadimos un magnífico vídeo que estivo toda a mañá na pantalla do vestíbulo, elaborado polos compañeiros do EDLG de Espiñeira-Aldán. Tedes a continuación tanto unhas imaxes da exposición como o vídeo devandito.

 

Día da Filosofía

No pasado mes de novembro, celebramos o Día da Filosofía coa elaboración dun grafiti no patio e a configuración no corredor onde está a biblioteca dun espazo de frases célebres -ou non tan célebres- que alumnado e profesorado tiñan como referencia entre grandes -ou non tan grandes;)- pensadores da nosa historia.

Foi unha xornada festiva e sobre todo reivindicativa, porque coincidiu coa demanda de institucións e profesorado desta materia, cun “Manifesto a prol da Filosofía”, para acadar un maior recoñecemento na lexislación educativa.

A continuación deixámosvos cunhas imaxes e cun vídeo do grafiti:

This slideshow requires JavaScript.

Día da Biblioteca

Retomamos a nosa actividade tras un parón por cuestións técnicas, que nos impediron seguir a publicar entradas no noso blogue.

Con motivo do Día da Biblioteca, que se conmemora o día 24 de outubro, o alumnado do centro elaborou unha exposición de fotos realizadas na nosa biblioteca coa fin de animar á lectura para formarse, para divertirse, para evadirse e/ou para comprometerse. As imaxes foron tan numerosas e variadas que non podemos recoller aquí máis que unha mínima parte.

Esperamos que vos gusten!;)

This slideshow requires JavaScript.

 

 

“Galiza mutante, poder nuclear”, de Tomás González Ahola

A Poza da Moura

Tomás González Ahola, o autor da obra “Galiza mutante, poder nuclear”, estivo no Paralaia o xoves 30 de novembro. Na primeira hora tivo un encontro con alumnos de todos os nveis da ESO e de bacharelato que tiñan lido a novela, ambientada nunha Galiza pos-apocalíptica poboada por mutantes e humanos que loitan por sobrevivir nun entorno case medieval. Logo dunha introdución sobre a xénese da obra, seguiuse unha conversa co alumnado participante.

Na segunda sesión, os compoñentes do Clube Manga asistiron a unha charla de Tomás sobre literatura fantástica, desde as orixes até a actualidade. Como guía para a charla utilizouse unha exposición cedida pola editora Urco que pode visitarse no corredor da biblioteca do instituto até o final do trimestre.

View original post

Samaín con contos de medo!

O pasado martes 31 de outubro (véspera da noite de defuntos) a Poza da Moura converteuse no escenario terrorífico dunha sesión de contos de medo.

Os alumnos de 4º de ESO prepararon a lectura dunha serie de relatos nos que lobishomes, aparecidos ou bonecas endemoñadas provocaron pesadelos ao alumnado de 1º de ESO que tivo a desgraza de asistir ao evento. A luz das candeas e a proxección de imaxes terroríficas, xunto coas melodías tétricas que acompañaban as lecturas crearon un ambiente do máis acaído para estas datas.
 

This slideshow requires JavaScript.

 

“Aprender a pensar coa biblioteca escolar”

CARTEL_17_WEB

Recollemos a continuación o texto publicado pola páxina de Bibliotecas escolares sobre o lema que propoñen para este curso escolar:

“Aprender a pensar coa biblioteca escolar” é o lema escollido para os materiais que a Consellería de Cultura, Educación e Ordenación Universitaria edita a comezos do curso 2017/2018 con destino ás bibliotecas escolares dos centros educativos galegos. O ilustrador Xosé Tomás foi o encargado, nesta ocasión, de realizar a interpretación gráfica do lema anual.

A experiencia de Xosé Tomás como profesor de inglés no CPI Manuel Suárez Marquier (O Rosal), centro que conta cunha biblioteca moi activa, sen dúbida está detrás da amplitude de posibilidades que imaxina na súa recreación gráfica.

Atender a biblioteca escolar do centro supón, para comezar, o reto de deseñar un espazo no que poidan pasar cousas. Un espazo que acolla a todos e todas e que mesmo (como na ilustración de Xosé Tomás), teña a capacidade de “abducir” as persoas usuarias, de trasladalas a situacións gratas de aprendizaxe. Seleccionar os materiais, organizar os recursos, facilitar o seu uso e organizar as actividades para a biblioteca escolar son tamén actuacións que, segundo o enfoque e o criterio co que se realice, poden facilitar ou dificultar esas aprendizaxes posibles.

Unha biblioteca escolar actualizada no seu modelo, nos seus recursos e equipamentos, nas súas propostas; atendida con profesionalidade e integrada no día a día do centro educativo, supón unha oportunidade única para axudar a nenas e nenos a desenvolver o seu pensamento crítico, a “aprender a pensar”.

Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos para desenvolver o pensamento complexo. Aprender a pensar nas clases de filosofía, pero tamén fóra das aulas regladas, onde a vida flúe en todo o seu misterio. A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir.

Nese camiño, nós comezamos por incorporar á nosa biblioteca novos materiais lectores aportados polo departamento de Filosofía. Trátase de obras que poñen en xogo un talante crítico e contracorrente moi de agradecer nestes tempos de conformismos despreocupados e egoístas. Son novelas e ensaios que nos axudan a repensar-nos e a repensar o entorno no que vivimos para cuestionalo e, na medida das nosas posibilidades, para tentar cooperar na construción dese outro mundo posible e necesario…

IMG_20171016_103232